Иацаҳҵоит ацхыраара зҭаху, згәабзиара уашәырроу ахәыҷқәа шәырдырра.

14.09.2020 165
Иацаҳҵоит ацхыраара зҭаху, згәабзиара уашәырроу ахәыҷқәа шәырдырра. Уажәазы ишәыдаагало анҵамҭа рызкуп агәыҳалалратә фонд «Доброе дело» хылаҧшра знаҭо ахәыҷқәа Ерасҭ Гамгиеи, Амина Кәакәасқьырҧҳаи.

Кындыҕ ақыҭан инхо Ерасҭ хәыҷы шықәсык ихыҵуеит. Иаабац хәыҷык еиҧш ихы мҩаҧигоит дыччоит, дыхәмаруеит, алахҿыхра ихы-иҿы ианубаалоит. Ахәыҷы ҧшьымыз анихыҵуаз ишоура ашьҭыҵра иахҟьаны, иҭаацәа ахәышәтәырҭахь дахьнаргаз пиелонефрит захьӡу адиагноз изықәдыргылеит.

Ахәыҷы ихәышәтәразы иҭаацәа агәабзиарахьчара аминистрра иахьадҵаалаз, Краснодартәи ахәышәтәырҭахь ахырхарҭа рырҭеит. Аха уа иара иҧҟаразы мыругала иахьеиқәшәымз азы мап рцәыркуеит. Анаҩс, Ерасҭ хәыҷы иҭаацәа агәыҳалалратә фонд «Доброе дело» иадҵаалоит. Иахьа, афонд иҟанаҵо ацхыраара иабзоураны ахәыҷы Урыстәылатәи ахәышәтәырҭақәак руак аҿы изыҧшуп.

Иара убас агәыҳалалратә фонд «Доброе дело» лхылаҧшуит Очамчыра инхо, жәаҩа шықәса зхыҵуа ,Амина Кәакәасқьырҧҳа. Хышықәса раҧхьа, ахәыҷқәа шыхәмаруаз, машәырла Амина лыла алаба хыслеит, уи иахҟьаны лызлак иабаӡом. Иахьазы, афонд иабзоураны Москва илзыҧшуп.

Иахьазы Ерасҭи Аминеи рыхәышәтәразы иаҭахуп ҳаргьы ҳацхыраара. Агәыҳалалра аазырҧшырц зҭаху ауааҧсыра досу шәҭел аҿы 5511 «Помощь» ҳәа ажәа ацҵаны СМС шәышьҭырц алшара шәымоуп. Уи адагьы, абанкқәа «Сбербанк», «Альфа банк», «Киви кошелек» ркартақәа рахь аҧара иижәгар шәылшоит. Шәара шәыхәҭа алажәгал ахәыҷқәа ргәабзиара аиҕьтәра аус.

Шьазина Ханагәуаҧҳа, Ҭамаз Чқәан ,АТ
  • ТЭГИ:
24.09.2020 13 Аҭоурыхтә фотоцәыргақәҵа аатит Каман ақыҭан иҟоу Иоанн Ахьтәыҿаҧыц иҧш...
Уаҟа ицәыргоуп урыстәылатәи аҭауадцәа Романавааи аҧсуа ҭауадцәа Ачба-Шервашиӡеи рфотоҭосахьақәа.
24.09.2020 10 Аҧсны иааны иҟоуп Нхыҵ-Кавказтәи афедералтә университет аҿынтә аделега...
Аделегациа аҭааит Аҧсны Аҭҵаарадыррақәа Ракадемиа, иара убас Дырмит Гәлиа ихьӡ зху Аҧсуаҭҵааратә институти дареи ирыбжьарҵеит аусеицуразы аиқәшаҳаҭра.