Дырмит Гәлиа ихьӡ зху Аҧсуаҭҵааратә институт аҟны иаатит жәларбжьаратәи анаука-практикатә форум.

14.09.2020 175
Дырмит Гәлиа ихьӡ зху Аҧсуаҭҵааратә институт аҟны иаатит жәларбжьаратәи анаука-практикатә форум: Проблемы традиционной художественной культуры горских народов. Военная и героическая тематика в этническом искусстве,- ҳәа хыс измоу. Афорум еиҿыркааит Аҧсуаҭҵааратә институти Урыстәылатәи аҟазара аҭоурых иазку аинститути. Имҩаҧыслоит цәыббра 21- нӡа.

Иҳаҩсыз ашықәс азы Урыстәылатәи аҟазара аҭоурых иазку аинститути Аҧсуаҭҵааратә институти ирыбжьарҵаз аиқәшаҳаҭра иабзоурахеит иахьатәи аиҧылара амҩаҧгара, - ҳәа азгәеиҭеит Аҧсуаҭҵааратә институт аиҳабы Арда Ашәба. Ари афорум иалахәуп 53 ҩык асасцәа, еиуеиҧшым аҳәынҭқаррақәа ирыҵаркуа аҭҵаарадырратә институтқәа рҟынтәи.

Аконференциа аҟны ажәахәқәа рыла иқәгылоз зегьы ртемақәа еиуеиҧшмызт, ицәырган Аҧсны ажьира аҿиара иазку атема , аглобализациа аамҭазы атрадициатә культурақәа реиқәырхара атәы зҳәо атема,аибашьратә ҟазара уҳәа ахырхарҭақәа рацәаны. Аҧсны Аџьынџьтәылатә еибашьраан хатәгәаҧхарала еибашьуаз еидызкылоз Гәдоуҭа еиҿкааз аштаб аҟны аус зуаз, иара аибашьра анаҩсгьы Нхыҵ-Кавказтәи ареспубликақәа ирҭаахьаз, урҭ зегьы рҭоурыхқәа рменталитет ҭызҵаахьоу афилологиатә ҭҵаарадыррақәа рдоктор Лили Ҳагбҳа иахьатәи афорум аҿы лажәахә ззылкызгьы дара роуп.

Аҟазараҭҵаара иаҵанакуа институтк иалымгацыз ҳабацәа, ҳабдуцәа ҧсабаратәла ирымаз ацәаныррала аҟазара шышьҭыркаауаз дазааҭгылеит иажәахә аҿы Аҧсуаҭҵааратә институт аиҳабы Арда Ашәба.

Аҧсны Аџьынџьтәылатә еибашьраҿы ажәлар ахақәиҭра азықәҧара адагьы, аамҭа уадаҩ ишҭагылазгьы, иаадырҧшуаз рҟазара, рхәыцра, рырҿиара аарҧшра уҳәа афорум ахықәкы хадақәа ируакуп. Ажәахәқәа реиҧш афорум мҩаҧысуанаҵы апрограммаҿы иҟоуп аконцертқәа, амастер классқәа иара убас аҟазара азҟазацәа рҧылара.

Лаура Қаҧшьҧҳа, Алықьса Агәхаа, АТ.
  • ТЭГИ:
24.09.2020 20 Аҭоурыхтә фотоцәыргақәҵа аатит Каман ақыҭан иҟоу Иоанн Ахьтәыҿаҧыц иҧш...
Уаҟа ицәыргоуп урыстәылатәи аҭауадцәа Романавааи аҧсуа ҭауадцәа Ачба-Шервашиӡеи рфотоҭосахьақәа.
24.09.2020 14 Аҧсны иааны иҟоуп Нхыҵ-Кавказтәи афедералтә университет аҿынтә аделега...
Аделегациа аҭааит Аҧсны Аҭҵаарадыррақәа Ракадемиа, иара убас Дырмит Гәлиа ихьӡ зху Аҧсуаҭҵааратә институти дареи ирыбжьарҵеит аусеицуразы аиқәшаҳаҭра.